தமிழரின் நிர்வாகம்

தமிழர்கள் நிர்வாக திறனில் சிறந்து விளங்கினர் என்பதற்கு சான்றுகள் பல உள்ளன.பட்ஜெட் உறையில் நிர்மலா சீதாராமன் இந்த பாடலை நினைவு கூர்ந்து குறிப்பிடத்தக்கது.

பாடல்

காய்நெல் அறுத்துக் கவளம் கொளினே

மாநிறை வில்லதும் பன்னாட் காகும்

நூறுசெறு வாயினும் தமித்துப் புக்கு உணினே

வாய் புகுவதனினும் கால் பெரிது கெடுக்கும்

அறிவுடை வேந்தன் நெறியறிந்து கொளினே

கோடி யாத்து நாடு பெரிது நந்தும்

மெல்லியன் கிழவனாகி வைகலும்

வரிசை அறியாக் கல்லென் சுற்றமொடு

பரிவு தப எடுக்கும் பிண்டம் நச்சின்

யானை புக்க புலம் போலத்

தானும் உண்ணான் உலகமும் கெடுமே

விளக்கம்

வயலில் விளைந்துள்ள நெற்கதிர்களை அறுத்து, நெல்மணிகளை பிரித்து அரிசியாக்கிப் பின் சோற்றுக் கவளமாக்கி யானைக்கு உண்ணத் தந்தால், ஒரு துண்டு நிலத்தில் விளையும் அரிசியும் கூட அந்த யானைக்குப் பலநாள் உணவாகும். அப்படிச் செய்யாமல் அந்த யானையையே வயலுக்குள் சென்று பயிரை மேயுமாறு விட்டுவிட்டால், அதன் வாய்க்குள் செல்லும் நெல்லை விட அதன் கால் பட்டுக் கசங்கும் கதிர்களே மிகுதியாக இருக்கும்.

அதேபோல வரித் திணிப்புச் செய்து, இரக்கமின்றித் தன் குடிமக்களைக் கசக்கிப் பிழிந்து வரிவசூல் செய்ய அரசன் முற்பட்டால், அந்த நாடு யானை புக்க புலம் போல அவனுக்கும் பயன் தராமல், மக்களும் பயன்கொள்ள வழியில்லாமல் சீர்கெடும் என்பதுதான் அந்த பாடலின் விளக்கம்.