தமிழ்நாட்டிலுள்ள உயிர்க்கோளக் காப்பகங்கள்

இந்தியாவில், மொத்தமுள்ள 17 உயிர்க்கோளக் காப்பகங்களில் மூன்று தமிழகத்தில் அமைந்துள்ளன. அவை,

1. நீலகிரி உயிர்க்கோளக் காப்பகம் 
2. மன்னார் வளைகுடாக் கடல் உயிர்க்கோளக் காப்பகம்.
3. அகத்தியர் மலை உயிர்க்கோளக் காப்பகம் நீலகிரி உயிர்க்கோளக் காப்பகம்.

நீலகிரி உயிர்க்கோளக் காப்பகம்:

• இது இந்தியாவில் உருவாக்கப்பட்ட முதலாவது உயிர்க்கோளக் காப்பகமாகும். 1986 - ஆம் ஆண்டில் இது உருவாக்கப்பட்டது. 
• இது 5520 ச.கி.மீ பரப்பளவு கொண்டது. இதன் மொத்தப் பரப்பளவில் 2537.6 ச.கி.மீ. தமிழ்நாட்டிலும், 1527.4 ச.கி.மீ. கர்நாடகாவிலும், 1455.4 ச.கி.மீ. கேரளாவிலும் அமைந்துள்ளது.

மன்னார் வளைகுடா உயிர்க்கோளக் காப்பகம்:

• தென்கிழக்கு ஆசியாவின் முதலாவது கடல் உயிர்க்கோளக் காப்பகமான இது 1989-ஆம் ஆண்டு உருவாக்கப்பட்டது.
•  இது 10,500 ச.கி.மீ பரப்பளவில் அமைந்துள்ளது. பரப்பளவில் இது தமிழ்நாட்டின் மிகப்பெரிய உயிர்க்கோளக் காப்பகமாகவும் இந்தியாவின் இரண்டாவது பெரிய உயிர்க்கோளக் காப்பகமாகவும் விளங்குகிறது(India's second largest biosphere reserve). 
• இந்தியாவில் முதலாவது பெரிய உயிர்க்கோளக் காப்பகம் கட்ச் (Rann of Kutch) ஆகும் (India's  largest biosphere reserve).

அகத்தியர்மலை உயிர்க்கோளக் காப்பகம்:

• 2001-ஆம் ஆண்டு உருவாக்கப்பட்ட இதன் மொத்தப் பரப்பளவு 3,500.36 ச.கி.மீ ஆகும். இதில் 1828 ச.கி.மீ. பகுதி கேரளாவிலும், 1672.36 ச.கி.மீ. பகுதி தமிழகத்திலும் உள்ளது. 
• மேற்கண்ட மூன்றில் நீலகிரி, மன்னார் வளைகுடா உயிர்க் கோளக் காப்பகங்கள் மட்டும் யுனெஸ்கோவினால்(UNESCO) அங்கீகரிக்கப்பட்ட உலக உயிர்க் கோளக் காப்பகம் பட்டியலில் அடங்குவனவாகும்.

இந்தியாவில் யுனெஸ்கோவால்(UNESCO)

அங்கீகரிக்கப்பட்ட உயிர்கோள காப்பகங்கள்.

இந்தியாவிலுள்ள 17 உயிர்க்கோளக் காப்பகங்களுள் 7 மட்டும் யுனெஸ்சோன் உலக உயிர்க்கோளக் காப்பகப் பட்டியலில் இடம் பெற்றுள்ளன. அவை,

1. நீலகிரி உயிர்க்கோளக் காப்பகம் 2000-ம் ஆண்டு யுனெஸ்கோவினால் (UNESCO) ஏற்றுக்கொள்ளப்பட்டது.
2. மன்னார் வளைகுடா உயிர்க்கோளக் காப்பகம் 2001-ம் ஆண்டு யுனெஸ்கோவினால் (UNESCO) ஏற்றுக்கொள்ளப்பட்டது.
3. சுந்தரவனம் உயிர்க்கோளக் காப்பகம் 2001-ம் ஆண்டு யுனெஸ்கோவினால் (UNESCO) ஏற்றுக்கொள்ளப்பட்டது.
4. நந்தா தேவி உயிர்க்கோளக் காப்பகம் 2004 ஆம் ஆண்டு யுனெஸ்கோவினால் (UNESCO) ஏற்றுக்கொள்ளப்பட்டது.
5. நாக்ரெக் உயிர்க்கோளக் காப்பகம் 2009 ஆம் ஆண்டு யுனெஸ்கோவினால் (UNESCO) ஏற்றுக்கொள்ளப்பட்டது.
6. பச்மரி உயிர்க்கோளக் காப்பகம் 2009 ஆம் ஆண்டு யுனெஸ்கோவினால் (UNESCO) ஏற்றுக்கொள்ளப்பட்டது.
7. சிம்லிபால் உயிர்க்கோளக் காப்பகம்-2009 ஆம் ஆண்டு யுனெஸ்கோவினால் (UNESCO) ஏற்றுக்கொள்ளப்பட்டது.

• இமாச்சலப் பிரதேச மாநிலத்தில் உள்ள குளிர்ப்பாலைவனம் (Cold Desen) 2009-ஆண்டு இந்தியாவின் 16-ஆவது உயிர்க்கோளக் காப்பகமாக அறிவிக்கப்பட்டது. 
• ஆந்திர மாநிலத்தில் உள்ள சேஷாச்சலம் மலைப்பகுதி இந்தியாவின் 17-ஆவது உயிர்க்கோளக் காப்பகமாக 2010 - ஆம் ஆண்டு அறிவிக்கப்பட்டுள்ளது. 
• அஸ்ஸாம் மாநிலத்திலுள்ள திப்ரு - சாய்கோவா உயிர்க்கோளக் காப்பகம், 765 ச.கி.மீ பரப்பளவுள்ள, இந்தியாவின் மிகச்சிறிய உயிர்க்கோளக் காப்பகமாகும்.