இடி விழுவது போல் கணவு கண்டால் என்ன பலன்?

நாம் காணும் ஒவ்வொரு கனவிற்கும் ஒரு அர்த்தம் உள்ளது.அந்த கனவுகளுக்கான பலன்களை இப்போது பார்ப்போம்.

இடி விழுவது போல் கனவு கண்டால் என்ன பலன்?

தன் காதுகளில் இடி விழுந்து, செவிடாகி விட்டது போலக் கனவு கண்டால், வரப்போகும் கஷ்டங்களைக் குறிக்கும்.

இடியானது மற்றவர்களின் மீது விழுந்து, அவர்கள் காது செவிடாவதாகக் கனவு கண்டால், நண்பர்களுக்கோ, சுற்றத்தினருக்கோ வரக்கூடிய கஷ்டத்தை எச்சரிப்பதாகும். இடி இடித்துக் கொண்டும், மின்னல் பளிச்சிட்டு மின்னிக் கொண்டும், பெருமழை பெய்து கொண்டும் இருக்கும் பொழுது தான் இடியிலிருந்து தப்பி விட்டதாகக் கனவு கண்டால், கஷ்டங்களிலிருந்து விடுபடுவதற்கு வாய்ப்பு ஏற்படும். மின்னல்கள் மின்னிக் கொண்டும் இடிகள் பயங்கரமாக இடித்துக் கொண்டு மிருக்குமானால், நீங்கள் கஷ்டங்களுக்கும் ஆபத்துகளுக்கும் ஆளாக நேரும். உங்களுடைய நேர்மையான நண்பர்களே உங்களைக் காட்டிக் கொடுப்பார்கள். துரோகஞ் செய்வார்கள். இத்தகைய கனவைக் கண்ட பிறகு நீங்கள் நண்பர்களிடம் பழகும் போது எச்சரிக்கையாக இருக்க வேண்டும்.

நண்பர்கள் சற்று விரோதமாக நடந்தாலும் நட்பை விட்டு விட்டு ஒதுங்கிக் கொள்ளுங்கள்.

சற்று தூரத்தில் இடி இடித்து மின்னல் மின்னுவதைப் போலக் கனவு கண்டிருந்தீர்களானால், உங்களை பயமுறுத்தும் விஷயங்களில் வெற்றியடைவீர்கள். வியாபாரத்தில் வெற்றியடைந்து மிகவும் செல்வந்தராவீர்கள். உங்கள் காதலனோ, காதலியோ எவ்வளவுதான் பொறாமைப்படக் கூடியவராகவோ பயம் தரக்கூடியவராகவோ இருந்தாலும் அவரை நீங்கள் மணந்து மகிழ்ச்சியாக வாழ்வீர்கள்.

எறும்புகளை கனவில் கண்டால் என்ன பலன்?

எறும்புகள்  சாரியாகக் கோடு போட்டது போலச் செல்லுவதாகக் கனவு கண்டால், வெகு தூரத்திலுள்ள ஊர் அல்லது நகரத்திற்குச் சென்று சுகமாக தன் குழந்தைகளுடன் வாழ்வார்கள். வியாபாரிகள் இந்தக் கனவைக் கண்டால், வியாபாரம் விருத்தியடையும். எறும்புகள் வரிசையாகச் செல்லாமல் சிதறி கோணலும் மாணலுமாகச் செல்வதாகக் கண்டால், இடையூறுகள் தோன்றும். எறும்புகளும் ஈசல்களுமாகக் கண்டால் பெரிய நகரத்தில் சென்று அங்கு எண்ணற்ற பிள்ளை குட்டிகளும் பெரிய குடும்பமாக வாழ்வீர்கள். தொழிலதிபராயின் லாபம் குவியும். காதலிப்பவர்கள் இவ்வாறு கனவு கண்டால், விரைவில் திருமணம் நடக்கும். குடும்பம் பெரியதாகும். வியாபாரிக்கு சுதந்திரமாக இயங்கும் வாய்ப்புகளுண்டாகும். எறும்புகள் உணவுப் பொருள்களை தூக்கிச் செல்வதாகக் கனவு கண்டால், எடுத்த காரியங்கள் நிறைவேறும். வாழ்வில் முன்னேற்றம் உண்டாகும். எறும்புகளை பல்லி விழுங்குவதாகக் கண்டால், ஆபத்துகள் உண்டாகும். நோயாளிகள் எறும்புகளைக் காலதாமதமாகும். கனவில் கண்டால், நோய் குணமாகக் காலதாமதமாகும்.

கப்பலை கனவில் கண்டால் என்ன பலன்?

கப்பலில் பிரயாணம் செய்வதாகக் கண்டால், சம்பத்தும் சௌபாக்கியமும் உண்டாகும்.   கப்பலில் பிரயாணம் செய்யும் போது கப்பலுக்குள் தண்ணீர் வருவதைப் போலக் கனவு கண்டால், கெடுதல் உண்டாகும். எடுத்த காரியம் தடைப்படும். பொருள் விரையமாகும். விவாகமான ஒரு பெண், இந்தக் கனவைக் கண்டால், அவளுக்கு ஆண் குழந்தை பிறக்கும். கப்பல் கவிழ்வதாகக் கண்டால், கெடுதி. நீங்கள் உங்களுக்குச் சொந்தமானதொரு கப்பலில் வியாபாரப் பொருள்களுடன் பிரயாணம் செய்வதாகக் கனவு கண்டால், நீங்கள் செல்வந்தனாக முன்னேற்றமடைவீர்கள். நீங்கள் ஒரு கப்பலில் மேல் தட்டில் இருப்பதாகக் கனவு கண்டால், நீங்கள் அன்னிய நாட்டிற்குப்

பிரயாணம் செய்து, அங்கேயே தங்கி நீண்ட காலம் வாழ்வீர்கள். நீங்கள் கப்பலில் பயணம் செய்யும்போது, அந்தக் கப்பலுக்குள்ளே தண்ணீர் ஒழுகி வருவதாகக் கனவு கண்டால், உங்கள் பிரயாணம் வெற்றியடையாமல் போகும். 

கப்பல் மூழ்குவது போல் கனவு கண்டால் என்ன பலன்?

கப்பல் உடைவது போலக் கனவு கண்டால்,

துரதிருஷ்டங்களைக் குறிக்கும். நீங்கள் காதலித்துக் கொண்டிருந்து இந்தக் கனவைக் கண்டால், உங்கள் காதலர் மிக நெருக்கடியான சந்தர்ப்ப சூழ்நிலைகளில் சிக்கிக் கொள்வார். உங்களை அவர் மணஞ்செய்து கொள்ள முடியாமற்போகும். 

உடைந்து போகும் கப்பலில் மற்றவர்கள் இருப்பதாகக் கனவு கண்டால், உங்கள் நண்பர்கள் உறவினர்களின் மத்தியில் நீங்கள் உயர்ந்த நிலையை அடைவீர்கள். அமைதியான கடலில் ஆனந்தமாக நீங்கள் கப்பல் பிரயாணஞ் செய்வதாகக் கனவு கண்டால் சுபீட்சம் உண்டாகும். புயலும் கொந்தளிப்புமாக உள்ள கடலில் நீங்கள் கப்பல் பிரயாணம் செய்வதாகக் கனவு கண்டால், தூரதிருஷ்டத்தைக் குறிக்கும். இனிமையான ஒரு தேசத்தின் கடல் வழியாகக் கப்பலில் பயணம் செய்வதாகக் கனவு கண்டால், நீங்கள் மகிழ்ச்சியாகத் திருமணம் செய்து கொள்வீர்கள். நீங்கள் ஒரு சிறிய படகில் சென்று துறைமுகத்தை அடைவதாகக் கனவு கண்டால், வெகு விரைவில் உங்களுக்கு அதிர்ஷ்டம் உண்டாகும்.