சந்திரன் ஒவ்வொரு பாவத்திலும் இருந்தால் என்ன பலன்?

சந்திரன் ஒவ்வொரு பாவத்திலும் இருந்தால் என்ன பலன் என்று இப்போது பார்ப்போம்.

சந்திரன் லக்னத்தில் இருந்தால் என்ன பலன்

சந்திரன், லக்கினத்தில் இருப்பது நல்லது. ஆனால், சந்திரனுக்கு அது சொந்த வீடாகவோ, அல்லது உச்ச வீடாகவோ இருந்தால், நல்லது. நட்பு வீடாக இருந்தாலும் நல்லது.

வாழ்க்கையில் உயர்வு பெறுவதற்கு நல்லது செய்வார். சிற்றின்ப சுகம் நன்றாக அமையும். பந்தயத்தில் வெற்றி பெறுவார். திடீர் பணவரவு இருக்கும்.

சந்திரன் இரண்டாம் பாவத்தில் இருந்தால் என்ன பலன்

2ல் சந்திரன் செல்வம் தருவார். நன்றாக பேச்சு வரும். அரசாங்கத்தில் நல்ல மதிப்பு இருக்கும். சொத்து சுகம் ஏற்படும். பெயரும் புகழும் உண்டாகக் காரணமாக இருப்பார். நல்ல கல்வி கிடைக்கும். சந்திரன் கெட்டால் செல்வத்தை இழக்க செய்யும். நல்ல பண வரவு இருக்காது. பொதுவாக வளர் பிறையில் நல்லது செய்வார்.

சந்திரன் மூன்றாம் பாவத்தில் இருந்தால் என்ன பலன்

3ல் சந்திரன் நல்ல நிலையில் இருந்தால் உடல் வலிமையையும் ஆற்றலையும் தரு வார். சகோதர சகோதரிகளை ஆதரிப்பார். நல்ல மகிழ்ச்சியான வாழ்க்கை அமையும். மூன்றாவது வீடாக இருப்பதால் அடிக் கடி குறுகிய பயணம் செய்ய வைப்பார். வாகன வசதி கிடைக்கும். சந்திரன் கெட் அனைத்தும் எதிர்மறையாக இருக்கும்.

சந்திரன் நான்காம் பாவத்தில் இருந்தால் என்ன பலன்

4ல் இருந்தால் மகிழ்ச்சியான வாழ்வு கிடைக்கும். 4 ஆம் வீடு வீட்டை குறிப்பதால் ஆறு, குளம், கடலோரத்தில் வீடு அமை யும். நண்பர்களுக்கு உதவி செய்வார். தாய் வழிச்சொத்து கிடைக்கும். கொடை குணம் இருக்கும்.

ஐந்தாம் பாவத்தில் சந்திரன் இருந்தால் என்ன பலன்

5ல் சந்திரன் பலம் பெற்று இருந்தால் பணம் வந்து கொண்டே இருக்கும். நல்ல நண்பர்கள் கிடைப்பார்கள். அதிர்ஷ்ட வாய்ப்பு கிடைக்கும். நல்ல அறிவாற்றலை தருவார். வாழ்க்கையில் உயர்ந்த நிலையை அடையவைப்பார். குழந்தை பாக்கியம் அமையும். ஆனால் பெண் குழந்தைகளே பிறக்கும். சந்திரன் கெட்டால் அனைத்தும் எதிர்மறையாக இருக்கும்.

ஆறாம் பாவத்தில் சந்திரன் இருந்தால் என்ன பலன்

6ல் சந்திரன் இருந்தால் சுகபோக வாழ்வு வாழ்பவர். விரோதிகளை உண்டு பண்ணு வார். இளம் வயதில் மகிழ்ச்சி குறையும். சந்திரன் அசுபபலன் பெற்று இருந்தால் அடுத்தவருக்கு அடங்கி நடக்கக்கூடிய தன்மையை தருவார்.

சந்திரன் ஏழாம் பாவத்தில் இருந்தால் என்ன பலன்

வளர் பிறை சந்திரன் 7ல் அமர்ந்து, பாபக்கிரகங்களின் சேர்க்கையோ, பார் வையோ பெறாமல் இருந்தால் அன்பான வாழ்க்கை துணைவர் அமைவார். நல்ல நண்பர்கள் கிடைப்பார்கள். கூட்டுத் தொழில் லாபம் தரும்.

எட்டில் சந்திரன் இருந்தால் என்ன பலன்

8ல் சந்திரன் இருந்தால், சஞ்சலமான குணம் கொண்டவர்கள். அடிக்கடி பயணங்கள் மேற்கொள்ளக்கூடியவர்கள். தாயுடன் அடிக்கடி கருத்து வேறுபாடுகள் ஏற்படும்.

ஒன்பதாம் பாவத்தில் சந்திரன் இருந்தால் என்ன பலன்

9ல் உள்ள சந்திரன் இருந்தால் நல்ல பாக்கியசாலியாக இருப்பார். புத்திர பாக்கியம் இருக்கும். உறவினர்கள் நல்ல உதவி செய்வார்கள். செல்வம் குவியும். சங்கீதம், நாடகம் போன்றவற்றில் ஈடுபாடு அதிகமாகும். அம்மாவின் அரவணைப்பு இருக்கும்.

பத்தாம் பாவத்தில் சந்திரன் இருந்தால் என்ன பலன்

10ல் உள்ள சந்திரன் தன் மதத்தின் மீது பற்று ஏற்பட்டு மதப் பிரசாரம் செய்வார். நல்ல செல்வ வளம் சந்திரன் தருவார். வாழ்க்கையில் உன்னதமான பல நல்ல காரியங்களை செய்வார். செய்தொழில்களில் பகைவர்களை வெற்றி கொள்ளும் தைரியத்தைத் தருவார்.

வாழ்க்கை பற்றிய எண்ணத்தை இயற்கையாக உண்டு பண்ணுவார். தாய் வழியில் நல்லது செய்வார். நண்பர்களிடத்தில் நல்ல நட்பு உண்டு பண்ணுவார். தொழில் நுட்பத் துறையில் ஈடுபட வைக்கும். தொழில்நுட் பத்துறையில் நல்ல அறிவு வளர செய்வார். வாழ்க்கையில் நல்ல வசதி வாய்ப்பு கிடைக்கும். அரசாங்கத்தில் நல்ல வசதி வாய்ப்பு கிடைக்கும். சிலபேருக்கு அரசாங்கத்தில் வேலை செய்ய வாய்ப்பு கிடைக்கும்.

பதினொன்றாம் பாவத்தில் சந்திரன் இருந்தால் என்ன பலன்

11ல் உள்ள சந்திரன், மூத்த சகோதர்களின் மூலம் லாபத்தைத் தருவார். எந்த வேலையை எடுத்தாலும் எளிதில் முடிக்கக் கூடிய திறமையைத் தருவார். நல்ல தீர்க்காயுள் ஏற்படும். வேலையாட்கள் மூலம் வருமானம் கிடைக்கும். வெளிநாட்டு பயணங்கள் மீது ஆர்வம் ஏற்படும் அரசாங்கத்தின் மூலம் பெயரும் புகழும் கிடைக்கும். நல்ல செல்வ வளம் சேரும்.

பன்னிரண்டாம் பாவத்தில் சந்திரன் இருந்தால் என்ன பலன்

12ல் உள்ள சந்திரன் பாதங்களில் வலி உண்டாக செய்வான். வாழ்க்கையில் மதிப்பு இழக்க செய்வான். கண் பார்வை மங்கச் செய்வான். அறிவாற்றல் குறையும். குறுகிய மனப்பான்மை இருக்கும். மனஉளைச்சல் இருக்கும். செலவு கூடும்.

இவையாவும் பொதுப்பலன்களே ஆகும். இது சந்திரன் வாங்கிய சாரம், மற்ற கிரக சேர்க்கை, பார்க்கும் கிரகங்கள் போன்ற பல விஷயங்களையும் பொறுத்தே இருக்கும்.